Búgin Qazaqstanyń damýy men órkendeý jolynda basty ról atqaryp, júıeli isterdiń arqasynda halyqtyń zor senimine ıe bolǵan «Nur Otan» partııasyna 22 jyl toldy.
Osy mereıli dataǵa oraı «Nur Otan» partııasy Shymkent qalalyq fılıalynda saltanatty jıyn ótti.
Jıynǵa qatysqan Shymkent qalasynyń ákimi, «Nur Otan» partııasy qalalyq fılıalynyń tóraǵasy Murat Áıtenov «nurotandyqtardy» merekemen quttyqtap, jańa bastamalardy júzege asyrý jolynda sáttilik tiledi.
– Qazirgi tańda «Nur Otan» partııasy búginde bir rettik is-sharalar uıymdastyrýdy emes, elimizde oryn alyp jatqan naqty saıası, áleýmettik-ekonomıkalyq jáne ózge de reformalardyń basy-qasynda júrýdi maqsat etedi. Naǵyz atyna zaty saı ekenin sózben emes, ispen dáleldeýde. Partııa óziniń damýynda jańa kezeńge aıaq basty. О́tken jyly alǵashqy praımerız ótkizip, biregeı, mol tájirıbe jınadyq. 2025 jylǵa deıingi «О́zgerister joly: ár azamatqa laıyqty ómir!» saılaýaldy baǵdarlamasy qabyldandy. Qala turǵyndarynyń sapaly ómir súrýi úshin baǵdarlanǵan aldaǵy 5 jyldyq jumys josparymyz praımerız kezeńinde turǵyndardan túsken usynystar negizinde daıyndaldy. Naqtyraq aıtqanda qala turǵyndarynan kelgen 685 usynystyń 98 paıyzy «Nur Otan» partııasynyń saılaý aldy baǵdarlamasynyń negizi baǵytarynyń birine aınaldy, - dedi Shymkent ákimi.
Saltanatty jıynda partııaǵa jańadan qabyldanǵan 10 azamatqa partııalyq bılet tabystaldy. Partııalyq bılet alǵan azamattardyń qatarynda memlekettik qyzmetshiler, stýdent, zeınetker jáne muǵalimder men dárigerler bar.