Úkimet otyrysynda Densaýlyq saqtaý mınıstri Alekseı Soı áleýmettik qoldaýdy durys uıymdastyrǵan jaǵdaıda aýyldardaǵy dáriger tapshylyǵyn qalaı sheshýge bolatynyn aıtty, dep habarlaıdy Egemen.kz
«Densaýlyq saqtaý salasynyń kadrlyq áleýetin damytý úshin dárigerlerdiń jalaqysyn, mamandardyń biliktiligin arttyrý jumystary jalǵasady. Bıyl 11 myńnan astam mamandy, onyń ishinde 35-in shet elde oqytý josparlanǵan», dedi ol.
Mınıstrdiń aıtýynsha, bıyl elimizdiń medısınalyq joǵary oqý orgyndaryn 5 myńnan astam túlek bitirip shyǵady. Olardyń shamamen 3 myńy alǵashqy medısınalyq-sanıtarlyq kómek uıymdaryna jumysqa jiberiledi.
«Bul rette alǵashqy medısınalyq-sanıtarlyq kómek dárigerleriniń tapshylyǵy 2 540, onyń ishinde aýyldyq jerlerde 848 mamandy quraıdy. Áleýmettik qoldaýdy durys uıymdastyrǵan jaǵdaıda kadrlardy jergilik jerlerge bekitip, kadr tapshylyǵy máselesin sheshýge bolady», dedi Alekseı Soı.