Jaqynda Shyǵys Qazaqstan oblysy Tarbaǵataı aýylynda L.N.Gýmılev atyndaǵy Eýrazııa ulttyq ýnıversıteti fılologııa fakýltetiniń dosenti, fılologııa ǵylymdarynyń kandıdaty, aıtysker aqyn Serikzat Dúısenǵazy atyndaǵy qazaq tili kabınetiniń ashylý saltanaty ótti. Jerlesimizben birge kelgen tanymal aqyn Qalqaman Sarın, aıtysker qyzdarymyz Aınur Tursynbaeva, Sara Toqtamysovalarmen kezdesý aýyl turǵyndary men oqýshylardy qýanyshqa bóledi.
Jaqynda Shyǵys Qazaqstan oblysy Tarbaǵataı aýylynda L.N.Gýmılev atyndaǵy Eýrazııa ulttyq ýnıversıteti fılologııa fakýltetiniń dosenti, fılologııa ǵylymdarynyń kandıdaty, aıtysker aqyn Serikzat Dúısenǵazy atyndaǵy qazaq tili kabınetiniń ashylý saltanaty ótti. Jerlesimizben birge kelgen tanymal aqyn Qalqaman Sarın, aıtysker qyzdarymyz Aınur Tursynbaeva, Sara Toqtamysovalarmen kezdesý aýyl turǵyndary men oqýshylardy qýanyshqa bóledi.
Kezdesýde aýdan ákiminiń orynbasary Nurjan Moldashev shaqyrýdy qabyl alǵan Serikzat Maqsutulyna halyq atynan rahmetin aıtyp, rızashylyǵyn bildirdi.
Kelesi kezekte sóz alǵan Serikzat Maqsutuly:«Men kásipker emespin, bul kabınetke úıip-tógip dúnıe ákelip beremin dep ýáde ete almaımyn. Biraq kerekti kitaptar men kórnekilik quraldar jaǵynan kómektesip turamyn», dedi. Sonymen birge, ala kelgen ádebı-ǵylymı kitaptaryn, ózi sózin jazǵan ánder jınaǵyn kabınetke tartý etti. Kezegimen sóz alǵan aýyl aqsaqaly Sapar О́zbekov qonaqtarǵa alǵys aıtyp, aq jol tiledi.
Osydan keıin shara Aıagóz qalasynda jalǵasyn tapty. Qonaqtar munda jańadan salynyp paıdalanýǵa berilgen 200 oryndyq balabaqsha men Semeı oblystyq tarıhı-ólketaný murajaıynyń Aıagóz qalasyndaǵy fılıalynyń ashylýyna qatysty. Búldirshinderdiń qýanyshyn eseleıtin tárbıe ordasyn qabyldap alý saltanatyna Shyǵys Qazaqstan oblysy ákiminiń orynbasary Nurymbet Saqtaǵanov, aýdan ákimi Nurbol Nurǵalıev, aqyn, Qazaqstan Respýblıkasy Memlekettik syılyǵynyń laýreaty Nesipbek Aıtuly, jazýshy, Qazaqstannyń eńbek sińirgen qaıratkeri Sultan Orazalın tebirene sóz sóıledi.
Shyǵys Qazaqstan oblysynyń ákimi Berdibek Saparbaevtyń «Týǵan jerge taǵzym» aksııasynyń aıasynda Aıagóz qalasynyń qaq ortasynda ornalasqan «Jastar» saıabaǵynda boı kótergen mahabbat sımvoly «Qozy Kórpesh-Baıan sulý» eskertkishiniń ashylýyna kópshiliktiń kýáger bolǵanyna da biraz ýaqyt ótti. Sol qos ǵashyqtyń mahabbatyn tý etken respýblıkalyq «Máńgilik mahabbat» atty aqyndar músháırasynyń qorytyndy keshi de osy kúni máresine jetti. Bul mádenı sharanyń qorytyndysy boıynsha arqaly aqyn, Qazaqstannyń eńbek sińirgen qaıratkeri Serik Aqsuńqaruly birinshi orynǵa ıe bolyp, 500 myń teńge syıaqy aldy. Ekinshi oryn halyqaralyq «Shabyt» festıvaliniń júldegeri Erlan Júniske buıyryp, 300 myń teńgege ıe boldy. Úshinshi oryndy «Altyn qalam-2011» ádebı syılyǵynyń ıegeri, jas aqyn Oljas Qasym ıelendi. Ol 200 myń teńge syıaqymen marapattaldy.
Beken MALDYBAEV,
Álııa KО́ShKIMBAEVA.
Shyǵys Qazaqstan oblysy,
Aıagóz aýdany.