El Táýelsizdiginiń 30 jyldyǵyna arnalǵan «Igi ister marafony» jalpyulttyq aksııasyna aqtóbelikter óz úlesterin qosýǵa kiristi. Jalpyulttyq is-sharaǵa óńirimizdegi etnıkalyq toptardyń ókilderi de belsendi túrde qatysa bastady, dep habarlaıdy Egemen.kz.
Olardyń qatarynda elimizdegi qoǵamdyq jáne jalpyulttyq yntymaqtastyqty nyǵaıtýǵa úles qosyp júrgen aqtóbelikter bar. Sonyń ishinde «Ázerbaıjan qaýymdastyǵy» qoǵamdyq birlestiginiń Aqtóbedegi múshesi, «Babek-Qurylys» JShS basshysy Rahıb Hazaıyr oǵly Azızov, Qazaqstan halqy assambleıasynyń kásipkerler qaýymdastyǵy múshesi Anatolıı Sımonov, Qazaqstan halqy assambleıasy janyndaǵy qoǵamdyq kelisim keńesi tóraǵasy Sergeı Vıshnıak, «Qaıyrymdy jandar» eriktiler tobynyń múshesi Jeńis Nurjigit ıgilikti is- sharalardan qalys qalyp kórgen emes.
Munyń bir dáleli, túrli ult ókilderinen 18 bala asyrap aqtóbelik kóp balaly otbasy Jetesovter januıasyna etnomádenı birlestik ókilderi 350 myń teńgeniń sertıfıkatyn tabystady. «Ázirbaıjan qaýymdastyǵy» qoǵamdyq birlestiginiń jastar qanaty kópbalaly ana Aısulý Kózdibaevaǵa 2 mln teńgeniń sertıfıkatyn usyndy. Aısulý Kózdibaeva osy qarajatty úıdi kúrdeli jóndeýge men jıhaz satyp alýǵa jumsaıtynyn aıtyp, jerlesterine shyn kóńilden rızashylyǵyn bildirdi.