Búgin О́KQ-de ótken brıfıngte Almaty qalasy Tótenshe jaǵdaılar departamenti basshysynyń orynbasary, azamattyq qorǵaý polkovnıgi Samat Asaıynovtyń qatysýymen brıfıng ótti, dep habarlaıdy Egemen.kz.
2021 jyldyń 2 aıynda Almaty qalasynyń aýmaǵynda 147 órt tirkeldi, 14 adam órtten zardap shekti, 5 adam qutqaryldy, 200 mıllıon teńgeden astam somanyń múligi saqtaldy. Qazirgi ýaqytta órtten qaıtys bolǵandar sany tirkelmegen (2020 jyly - 3). 96 órt turǵyn úı sektorynda bolǵan, nemese jyl basynan beri bolǵan órttiń jalpy sanynyń 65%.
Jeke turǵyn úı sektoryndaǵy órttiń negizgi sebepteri:- otty uqypsyz paıdalaný 21 jaǵdaı;- peshterdi paıdalaný kezinde órt qaýipsizdigi erejelerin buzý – 29 jaǵdaı;- elektr jabdyqtaryn montajdaý jáne paıdalaný erejelerin buzý 41 jaǵdaı;- turmystyq elektr qurylǵylaryn paıdalaný kezinde О́QE buzýshylyqtary 31 jaǵdaı;- órteý 13 jaǵdaı;- otpen jumys kezinde órt qaýipsizdigi erejelerin buzý 3 jaǵdaı, 2-ýi balalardyń tentektiginen jáne órttiń basqa sebepteri 9 jaǵdaı.
Sonymen birge, 2020-2021 jyldardaǵy jylytý kezeńinde órtter men adamdardyń jaraqattanýyn azaıtý maqsatynda Almaty qalasy Tótenshe jaǵdaılar departamenti tótenshe jaǵdaılardyń aldyn alý boıynsha keshendi is-sharalar júrgizýde. Jekelegen (bólek) topqa órttiń aldyn alý boıynsha ataýly kómekke muqtaj 274 áleýmettik osal otbasy kiredi. Az qamtylǵan jáne az qozǵalatyn otbasylardyń 144-ten astam úıinde tótenshe jaǵdaılar bóliminiń qyzmetkerleri eriktilermen birge elektr jelilerin, jylý júıelerin jóndeýge, pesh qurylymdaryndaǵy jaryqtardy, ákteý, peshtiń murjalaryn kúıeden tazartý jáne basqa jumystar boıynsha maqsatty kómek kórsetti. Bul baǵyttaǵy jumystar jalǵasýda.
О́rtterdiń 65%-y turǵyn úı qorynda bolatyndyǵyn eskere otyryp, 2020 jyldyń tamyzynan bastap aýqymdy naýqan jáne turǵyndarmen túsindirý jumystary bastaldy.
Barlyǵy 145 471 jeke turǵyn úı esepke alyndy, onyń 1347-si qatty otyn jaǵady, olar 100% zertteldi, onyń ishinde 274 áleýmettik osal otbasylardyń úıleri qaıta tekserildi (ıaǵnı 2 ret), órttiń qaýipsizdik sharalary týraly 300 myńnan astam jadynamalar taratyldy.
Ákimdiktiń qoldaýymen áleýmettik jaǵynan osal otbasylardyń kómirmen jylytylatyn 1 254 jeke turǵyn úıi kómirtegi totyǵy datchıkterimen jabdyqtalǵan (úılerde 2018 jyldan 2020 jylǵa deıin ornatylǵan datchıkterdi eskere otyryp).
Almaty ákimdiginiń qoldaýymen turmysy tómen otbasylarǵa tıesili kómirmen jylytylatyn (kómir jaǵatyn) 1254 jeke turǵyn úı gaz ıisin sezýshi datchıktermen jabdyqtaldy.- gaz qurylǵylaryn paıdalaný kezinde qaýipsizdik sharalaryn saqtaýǵa;- jıhazdy jáne basqa janǵysh zattardy jylytý peshteri men gaz qurylǵylarynyń janyna qoımaýdy, murjalardy jaqsy kúıde ustaýdy;- aqaýly elektr rozetkalaryn, elektr ajyratqyshtaryn jáne elektr qurylǵylaryn paıdalanbaýdy;- elektr plıtalary, útikter, elektr shaınekteri men kerosındi qondyrǵylardy otqa tózimdi tirekterge ornatýdy;- peshtiń qurylymdaryndaǵy jaryqshaqtar men ketikterdi sylaýdy, murjalardy kúıeden tazartýdy usynady.
«Eger bizdiń azamattarymyz qaýipsizdik erejelerin saqtasa, onda órttiń zalalyn azaıtý, sondaı - aq adamdardyń qaza bolýy nólge deıin azaıady», - dep atap ótti Samat Asaıynov, ol qala turǵyndary aldyn alý sharalary retinde murjalardy ýaqtyly tazalaý qajet ekenin aıtty.