Qazirgi kezde birqatar basylymda Túrkııanyń «Bandyrmasport» klýbynyń shabýylshysy Lasına Traoreniń «Astanaǵa» aýysýy múmkin degen aqparat taralyp jatyr, dep habarlaıdy Egemen.kz
Lasına Traore 1990 jyldyń 20 tamyzynda Kot-d’Ivýardyń Abıdjan qalasynda týyp-ósti. Boıy – 203 santımetr, salmaǵy – 94 kılo. Kásipqoı fýtbolshy retinde óz karerasyn «Stad Abıdjanda» bastady. Keıinnen ChFR (Rýmynııa, 2008-2011, 2019-2020 jyldary), Kýban (Reseı, 2011-2012), Anjı (Reseı, 2012-2013), «Monako» (Fransııa, 2014-2018), «Everton» (Anglııa, 2014), «Sportıng» (Portýgalııa, 2017), Amen (Fransııa, 2017-2018) jáne Ýıpesht (Majarstan, 2019) klýbtarynyń sapynda óner kórsetti.
2012-2015 jyldary Kot-d’Ivýardyń ulttyq quramasy sapynda óner kórsetip, 13 kezdesýde 4 gol soqty. 2015 jyly Lasına Traore Afrıka ulttary kýbogynyń jeńimpazy atandy.