Fýtbol klýbynyń basshylyǵy men jattyqtyrýshy birlese osyndaı sheshimge kelgen, dep habarlaıdy Egemen.kz Pavlodarnews.kz saıtyna silteme jasap.
«Ekibastuz» FK bas bapkeri Ǵalym Baıken Serik Ábdýálıevke sińirgen zor eńbegin erekshe atap, jumysyna alǵys bildirdi.
– Klýb basshylyǵy men ujymy komandamyzda atqarǵan eńbegi úshin asa bilikti mamanǵa alǵys aıtady, – deıdi Ǵalym Baıken. – Klýb úshin kóp ter tókti. Komandamyzdyń damýyna qosqan úlesi úshin Serik Qaıyrkenulyna rahmet aıtamyz.
Aıta keteıik, belgili qazaqstandyq maman 2020 jyldyń qańtarynda «Ekibastuzdyń» bas bapkeri bolyp taǵaıyndalǵan bolatyn. Serik Ábdýálıev basshylyǵyndaǵy komanda quramy jasardy. Komandaǵa Pavlodar oblysy fýtbol mektepteriniń túlekteri kelip qosyldy.Byltyrǵy Birinshi lıgadaǵy chempıonat nátıjesinde «Ekibastuz» birinshi konferensııada besinshi oryn alyp, aldyndaǵy nátıjesin jaqsartty. Komanda aıqyn taktıkalyq syzbanusqa boıynsha oınap, jurtshylyq nazaryna ilikti. Komanda oıynshylary Damır Marat, Naýryzbek Jagorov, Alekseı̆ Skvorsov jáne Anatolıı̆ Krasotın Qazaqstannyń jastar quramasyna shaqyrtý aldy.