Bir apta ishinde elimizde 3 371 qylmys jasaldy. Bul týraly búgin Ishki ister mınıstrliginiń resmı ókili Nurdildá Oraz málim etti, dep habarlaıdy Egemen.kz
«Bir apta ishinde 3 371 qylmys jasaldy. Onyń 2 145-i táýlik ishinde ashyldy», dedi Nurdildá Oraz. Resmı ókildiń atap ótýinshe, polısııa qyzmetkerleri «izin sýytpaı» 10 kisi óltirý qylmysyn ashqan. «Sondaı-aq 10 ólimge ákep soqqan densaýlyqqa qasaqana aýyr zııan keltirýdi, 5 qaraqshylyq, 39 tonaý jáne 489 bóten múlikti urlaý qylmystaryn ashty», dedi ol.
Nurdildá Oraz Halyqaralyq áıelder kúni qarsańynda Ishki ister mınıstri Erlan Turǵymbaev erekshe kózge túsken áıel qyzmetkerlerdi arnaıy quttyqtaǵanyn da atap ótti.
«Aıta ketý kerek, qyz-kelinshekter Ishki ister organdarynyń barlyq bólimshelerinde, sonyń ishinde qylmystyq polısııa, tergeý, qoǵamdyq qaýipsizdik sııaqty jetekshi bólimderde qyzmet atqarady. Búgingi tańda polısııa qatarynda 11 myńǵa jýyq áıel qyzmet etedi, olardyń 580-i basshylar», dedi resmı ókil.