Atyraýda túrmede otyrǵan jigittiń biri kelesi jyly anasyna 8 naýryz merekesine oraı 300 gúl syılaıdy, dep habarlaıdy Egemen.kz
Atyraý oblysy boıynsha qylmystyq atqarý júıesi departamentine qarasty ÝG-157/1 (tergeý ızolıatory) mekemesinde sharýashylyq jumysyna qaldyrylǵan sottalǵandar analaryn 8 naýryz merekesimen quttyqtaý joldady.
Túrmeden quttyqtaý joldaǵandardyń biri – esirtki satqany úshin sottalǵan Andreı.
«Ońaı jolmen aqsha taýyp, turmysymyzdy jaqsartqym keldi. Alaıda, bul oıymnyń qate bolǵanyn tek túrmede túsindim. Qazir úıde ózińiz qaldyńyz. Meniń dostarym 8 naýryz merekesine oraı sizge arnaǵan syılyǵymdy jetkizedi», dep hat joldapty Andreı.
Al dostary Andreıdiń anasyna joldaǵan gúl men kóktemde kıetin aıaq kıimdi jetkizip berdi.
Al urlyq jasap sottalǵan Baýyrjan kelesi jylǵy 8 naýryz merekesin anasymen birge qarsy alatynyna úmittenip otyr. Sol kezde anasyna 300 gúl syılaýdy josparlapty.
Qaraqshylyq úshin tórt jylǵa sottalǵan taǵy bir jigit anasynyń ómirden ótkenin ókinishpen eske aldy.
«Meniń túrmege túskenim sizge ońaı bolmady. Siz ómirden óttińiz. Sol úshin ózimdi ómir boıyna keshire almaımyn. Bul jerden shyqqannan keıingi ómirimdi sizdiń armańyzdy oryndaýǵa arnaımyn», dep jazypty ol.