Batys Qazaqstan men Aqtóbe oblystarynyń shekarasynda 300 júk kóligi keptelip qalǵan dep habarlaıdy Egemen.kz
10 naýryz kúni 02 saǵat 41 mınýtta Batys Qazaqstan oblysynyń Shyńǵyrlaý aýdanynyń aýmaǵynda Samara-Shymkent tas jolynyń 489-522 km shamasynda joldyń ár bóliginde Aqtóbe oblysynyń shekarasyna deıin aýyr júk jáne jeńil avtokólikterdiń keptelisi paıda bolǵan. Tótenshelikterdiń habarlaýynsha, shamamen 300 fýra jáne 50 jeńil avtokólik toptasyp tur. Aýa raıynyń nasharlaýyna baılanysty arnaıy oryndardyń eskertýine qaramastan jolǵa shyqqan jolaýshylar bıiktikke kóterile almaı turyp qalǵan.
Batys Qazaqstan oblystyq Tótenshe jaǵdaılar departamentiniń basshylyq quramy bastaǵan «Trall», shynjyrtabandy brondy tehnıka, «Kýng», «Trekol» syndy arnaıy qutqarýshy kólikter oqıǵa ornyna attandy. Sóıtip, astana ýaqytymen 09 saǵat 30 mınýtta jeńil avtokólikter tolyǵymen, aýyr júk kólikteriniń 50 shaqtysy jolǵa shyqty. Qutqarý jumysy jalǵasýda, − dep habarlady oblystyq Tótenshe jaǵdaılar departamentiniń baspasóz hatshysy Bákızat Maǵzenova.