Almaty qalasyndaǵy fızıka-matematıka baǵytyndaǵy Nazarbaev zııatkerlik mektebi osy jylǵy jelilik olımpıadada NIS-tiń absolıýtti chempıony bolyp, jas bilimpazdar eki ret jaratylystaný-matematıka jáne qoǵamdyq-gýmanıtarlyq baǵyttaǵy «Úzdik olımpıadalyq komanda» ataǵyn ıelendi, dep habarlaıdy Egemen.kz
Bıylǵy jyly Nazarbaev zııatkerlik metkepteriniń jelilik olımpıadasy alǵash ret qashyqtan ótip otyr. Onlaın olımpıadaǵa hımııa, bıologııa, ınformatıka, fızıka, matematıka, geografııa, tarıh, quqyq negizderi pánderi boıynsha qazaq, orys, aǵylshyn, fransýz, nemis tilinen 700-den astam oqýshy qatysyp, bilimderin sarapqa saldy. Bul jelilik olımpıada bilim deńgeıin kórsetýge ǵana emes, ǵylymnyń ár salasyndaǵy sońǵy jańalyqtar men trendter jaıynda pikir almasýǵa arnalǵan tabysty alań. Ádilqazylar alqasynyń quramynda ár jyldary respýblıkalyq jáne halyqaralyq olımpıadalardyń jeńimpazdary, búginde joǵary oqý oryndarynyń úzdikteri bolyp júrgen Dııar Týlenov, Danııl Melnıchenko, Ábilmansur Mújúbaev pen NIS-tiń ózge de túlekteri bar.
Almaty qalasyndaǵy fızıka-matematıka baǵytyndaǵy NIS matematıkteri – Arsen Nárik, Aldınash Seıtenov, Taır Satýbaldın, ınformatıkter – Amır Nýrıev, Oljas Mýsalımov, Mýhammadarıf Sahmoldın, Medet Djýmadıldaev, fızıkter – Damır Alenov, Ersýltan Pitebaı, Syrymhan Nýrıddın, fılologtar – Elıkaı Atabaeva, Aıaýlym Muqan, Iskander Sagınbek birinshi I orynǵa ıe boldy. Elordadaǵy fızıka-matematıka baǵytyndaǵy zııatkerlik mekteptiń oqýshysy Egor Kojın olımpıada jaıyndaǵy áserlerimen bólisip, kúrdeli kezeńge qaramastan, olımpıadashylar óz bilimderin kórsetýge jáne jetistikke qol jetýge múmkindik alyp otyrǵandyǵyn aıtady.
О́z áserlerimen bólisken qatysýshylar aǵa býynnyń, ata-ájeleri men ata-analarynyń jaýapty báıge aldynda bergen batalary aıryqsha tumarǵa aınalǵanyn atap ótti. Tarazdaǵy NIS oqýshysy Bekbolat Jangereıdiń aıtýynsha, jaýapty jarys aldynda úıdegi úlkenderdiń qoldaýy jiger men senimdilik syılap qanaı qoımaı, úlken jaýapkershilik júkteıdi. Al qazaq, orys jáne aǵylshyn tilderin erkin meńgergen Nur-Sultandaǵy fızıka-matematıka baǵytyndaǵy Nazarbaev zııatkerlik mektebi komandasynyń múshesi Evgenıı Iýgaı alty jasynan bastap qazaqsha sóıleı bastaǵan. Evgenıı Uly dala tarıhy men mádenıeti týraly kitaptardy kóp oqıdy. Tildi jetik meńgerý úshin kúsh pen ýaqytyn aıamaıtyn Evgenıı búginde koreı tilin úırenip júr.
Al Taraz qalasyndaǵy zııatkerlik mektepten Arýjan Jaqsylyq, Arýjan Doshodjaeva, Arýjan Nurmanova aǵylshyn tili seksııasynda bas qosty. Esimderinen bólek olardyń qyzyǵýshylyqtary ortaq. Oǵan oqýshy qyzdardyń IELTS emtıhanynan joǵary nátıje kórsetýi dálel bolady. Arýjan Doshodjaeva men Arýjan Nurmanova 7,0 balldan jınasa, Arýjan Jaqsylyq atalǵan pán boıynsha zertteý jumystarymen aınalysýǵa den qoıǵan. «Voleıbol oıynynda «jeńiske jetý algorıtminiń» matematıkalyq esepteýleri» erekshe jobasy úshin oqýshylar arasyndaǵy respýblıkalyq ǵylymı-zertteý jumystary baıqaýynda I oryndy ıelengen.
NIS-tiń bıylǵy jylǵy jelilik olımpıadasy qatysýshylar úshin erekshe jaǵdaıda ótti. Endigi kezekte jas bilimpazdardy jańa beles – respýblıkalyq olımpıada dodasy kútip tur.