Búgin Úkimet otyrysynda Ulttyq ekonomıka mınıstri Áset Erǵalıev elimizdiń kóptegen óńirinde ınvestısııalyq belsendilik baıqalatynyn aıtty, dep habarlaıdy Egemen.kz.
Mınıstr qańtar-aqpandaǵy elimizdiń áleýmettik-ekonomıkalyq damý qorytyndysy jaıynda baıandama jasady. Ol óz sózinde elimizdiń keı óńirleri joǵarǵy ınvestısııalyq belsendilik kórsetip jatqanyn aıtty.
«Eń joǵarǵy kórsetkish ónerkásip nysandaryn salý men óndiris qurylǵylaryn alýdyń ósýi esebinen Shymkent qalasynda, respýblıkalyq mańyzy bar avtomobıl joldaryn qaıta jańǵyrtý esebinen Jambyl oblysynda, kún elektr stansalary men kópfýnksıonaldy týrıstik keshen salý esebinen Túrkistan oblysynda baıqalady», dedi Á.Erǵalıev.
Budan soń, ol ınvestısııa boıynsha 4 óńir tómen kórsetkish kórsetip otyrǵanyn sóz etti.
«Qarashyǵanaq ken ornyn keńeıtý jobasy boıynsha qurylys-montajdaý jumystarynyń azaıýy saldarynan Batys Qazaqstan oblysynda, Teńiz ken ornyn keleshekte keńeıtý jobasy men uńǵyma erneýiniń qysymyn basqarý jobasy boıynsha qurylys-montajdaý jumystarynyń azaıýy saldarynan Atyraý oblysynda, ónerkásip kásiporyndarynyń negizgi kapıtalǵa ınvestısııalar kóliminiń qysqarýy saldarynan Pavlodar oblysynda jáne kópfýnksıonaldy qonaqúı-týrıstik keshen qurylysynyń aıaqtalýy saldarynan Mańǵystaý oblysynda tómendeý tirkeldi», dedi ol.