8 naýryzdan bastap Izraıl sheteldik azamattardyń birneshe sanaty úshin shekarany ashty. Alaıda elge ushý úshin arnaıy ótinimdi toltyryp, jergilikti bıliktiń resmı maquldaýyn alý kerek, dep habarlaıdy Egemen.kz
Mundaı habarlamany el úkimetiniń baspasóz qyzmeti jarııalady.
Aıta keteıik, týrısterge burynǵydaı Izraılge barýǵa tyıym salynady. Jańa sharttar tek memleket rezıdentteri men azamattyǵy bar erli-zaıyptylarǵa jáne olardyń ata-analaryna, jarysqa qatysatyn sportshylarǵa, sheteldik jumysshylarǵa jáne eldiń syrtqy saıasaty men qaýipsizdigi táýeldi tulǵalarǵa ǵana qatysty bolady. Burynǵydaı, elge kirý úshin ushýǵa deıin 72 saǵattan keshiktirmeı PTR-test alý kerek, al kelgennen keıin jolaýshylar 14 kún karantın erejesin saqtaýy kerek.
Sondaı-aq bılik osy jyldyń basynda vaksınasııa saldyrǵan týrıster úshin О́li teńiz kýrorttary men qonaqúılerine kelýge ruqsat beretin birqatar jeńildik jarııalady.