Keshe Túrkııanyń Ystanbul qalasynda karateden asa iri halyqaralyq týrnır bastaldy. Alǵashqy kúni Qazaqstan qurama komandasynyń músheleri úsh salmaq dárejesi boıynsha kúsh synasty, dep habarlaıdy Egemen.kz
60 kılo salmaqta Qaırat Alpysbaı men Erkinbek Baıtóreev tusaýkeser kezdesýlerinde utyldy. Alaıda Qaırattyń qarsylasy – Ázirbaıjannyń ataqty karateshisi Ferdosı Faızalıevtiń aqtyq synǵa deıin alqynbaı jetkeniniń arqasynda bizdiń jigit jubanysh básekelerine qatysý múmkindigin saqtap qaldy.
Bul joly qandasymyz ózin jaqsy qyrynan kórsetti. Túrkııa men Albanııanyń ókilderinen basyp túsken Alpysbaı qola medal úshin tartyta makedonııalyq Emıl Pavlovpen aıqasady.