Kókshetaýda órtengen úıden 49 jastaǵy er adamnyń denesi tabyldy. Ol esh jerde jumys istemegen jáne maskúnem retinde esepte turǵan, dep habarlaıdy Egemen.kz Aqmola oblystyq TJD baspasóz qyzmetine silteme jasap.
Vedomstvo ókilderi habarlaǵandaı, órt búgin tańerteń saǵat 09:43-te Kókshetaý qalasyndaǵy jeke turǵyn úıde shyqqan.
«О́rtti sóndirý barysynda 49 jastaǵy er adamnyń denesi tabyldy. Ot 5 sharshy metr aýmaqty sharpydy. О́rt kezinde er adam úıde jalǵyz bolǵan», dedi TJD baspasóz qyzmetindegiler.
Qazirgi kezde órttiń shyǵý sebebi anyqtalýda, sot-medısınalyq jáne órt-tehnıkalyq saraptama taǵaıyndaldy.
Kókshetaý qalasy polısııa basqarmasynyń málimetinshe, er adam ýaqytsha jumys istemegen jáne maskúnem retinde esepte turǵan.