Almatyda sporttyq gımnastıkadan dástúrli respýblıkalyq týrnır óz máresine jetti. Bul jarysta shymkenttik órender tamasha óner kórsetti, dep habarlaıdy Egemen.kz
Sarapqa salynǵan alty bas júldeniń teń jartysyn Shymkenttiń gımnasshylary jeńip aldy. Bir ǵajaby, sol altyn medaldardyń úsheýin de Farýh Nabıev ıelendi. Ol qoldy tirep sekirý, baǵana jáne kerme jattyǵýlary boıynsha aldyna jan salmady. Sondaı-aq, Farýhtyń qorjynynda taǵy eki qola júlde bar.
Al qalǵan úsh altyndy Almaty qalasynyń ókilderi qanjyǵalaryna baılady. Olar – Ilııas Ázızov (erkin jattyǵý), Narıman Qurrbanov (at) jáne Aqpar Jalalı (shyǵyrshyq).