Almatydaǵy ushaq apaty

Osyndaı jaısyz habardy estigen bette atalmysh vedomstvo ókilderimen habarlastyq. Olar: Saǵat 17:20 shamasynda áýejaıǵa qonaıyn dep jatqan Nur-Sultan – Almaty baǵytyndaǵy ushaqpen baılanys úzildi. Aldyn ala málimet boıynsha, Ulttyq qaýipsizdik komıtetiniń  AN-26 ushaǵy qulaǵan. Áýe kemesiniń bortynda 6 adam bolǵan», dep málimdedi.

Keıinnen belgili bolǵandaı tórt adam sol jerde qaza tapty. Olar – maıor Ǵabıt Barlyqbaev (1987 jyly týǵan), aǵa leıtenant Dosjan Baı­muratov (1978 jyly), leıtenant Muhtar Saǵynbaev (1995 jyly) jáne serjant Evgenıı Vasılkov (1986 jyly). Taǵy eki adam Almatydaǵy №4 qa­lalyq aýrýhanaǵa jetkizildi. Dári­ger­lerdiń aıtýynsha, olardyń jaǵdaıy óte aýyr.

Oqıǵa ornynda Almaty qalasy men oblysy tótenshe jaǵdaılar departa­mentteri, áýejaı qyzmeti, QR TJM RJQJ, 109 qutqarý qyzmetinen 45 adam, 15 birlik tehnıka jumys istedi. Apat bolǵan jerde órt shyǵyp, ushaqtyń janýy sol kúni saǵat 18.02-de toqtatyldy.

Prezıdent  Qasym-Jomart Toqaev qu­zyr­ly organdarǵa Almaty ma­ńynda bolǵan ushaq apatynyń sebep­terin anyqtaýdy tap­syrdy. «Almaty áýejaı­yn­da apat­qa ushyraǵan ushaqta qaza bolǵan ás­kerı qyzmetkerlerdiń týystary men ja­qyn­daryna kóńil aıtamyn. Ja­raqat alǵan­dardyń tezirek saýy­ǵyp ketýin tileımin. Meniń tap­syr­mam boıyn­sha áýe apatynyń sebep­terin anyqtaý ju­mys­tary bastaldy. Mundaı oqys oqıǵalar qaıtalanbaýy kerek», dep málimdedi Mem­leket basshysy. 

ALMATY