Mańǵystaý oblysy boıynsha QAJ departamentiniń GM-172/10 mekemesindegi sharýashylyq jumystary úshin qaldyrylǵan sottalǵandar arasynda Amal merekesine oraı is-shara ótkizildi. Is-sharanyń ashylýy GM-172/10 mekeme bastyǵynyń tárbıe jumystary jónindegi orynbasary ádilet podpolkovnıgi E.Sýzaqbaev quttyqtaý sózimen bastaldy, dep habarlaıdy Egemen.kz.
Is-sharada sharýashylyq jasaǵynda jazasyn óteýshiler qazaqtyń ulttyq kıimderin kıip, ózderi daıyndaǵan dastarhan basynda qosyp bir-birin quttyqtap, aq tilekterin bildirdi. Jazasyn óteýshi sottalǵan A.Týrlybaev qazaqtyń qara dombyrasymen «Bul ólke», «Ulystyń uly kúni» atty ánderdi shyrqady.
-Is-sharanyń maqsaty sottalǵan azamattardyń qazaqtyń salt-dástúrine degen qyzyǵýshylyǵyn oıatý, jazasyn ótep júrse de halqymyzdyń qasterli merekesinen tys qalmaı atap ótý, - deıdi Ǵ.Berdıshev.