Jalpy, Prezıdenttiń sońǵy kezdegi ár qadamy men ár sheshimin qarapaıym halyq jan-jaqty qoldap keledi. Sebebi Memleket basshysynyń osyndaı ózekti máselelerge qatysty shyǵarǵan sheshiminen keıin qoǵamda bir saıası erik-jiger paıda bolyp, halyqtyń arasynda saıası serpilis baıqalyp júr.
Jerdi sheteldikterge satpaý jáne jalǵa bermeý – ulttyq qaýipsizdikke tikeleı baılanysty mańyzdy másele. Elimizdiń álemdik arenada táýelsiz memleket bolyp tuǵyrdan taımaýy, ishki birligimizdiń tutastyǵynyń búlinbeýi de jer taǵdyrymen tikeleı baılanysty. Sol sebepti de Qasym-Jomart Kemelulynyń bul zań jobasyn Májiliske tezdetip joldaýyn erekshe qoldaımyn. Aldaǵy ýaqytta Májilis te halyq taǵdyrymen astasyp jatqan bul zań jobasyn qoldap, naqty iske asyrady degen senim mol.
Shyndap kelgende, qarapaıym halyq úshin jerden artyq baılyq joq. Urpaqtan-urpaqqa qaldyratyn basty qazynamyz da osy jer. Sondyqtan da Prezıdenttiń talaı jyldan beri shatqaıaqtap, talaı múddeli toptyń talas-tartysyna túsip kelgen osy máselege sońǵy núkte qoıyp, shyǵarǵan osyndaı naqty sheshimine ult bolyp, qoǵam bolyp qoldaý kórsetip, aldaǵy ýaqytta zańnyń naqty júzege asyrylýyna bir kisideı atsalysýymyz qajet.
Samat NURTAZA,
saıasattanýshy