Búgin Senatta «Eýrazııalyq ekonomıkalyq odaqqa múshe memleketterdiń temeki ónimderine aksızder salasyndaǵy salyq saıasatyn júrgizý qaǵıdattary týraly kelisimdi ratıfıkasııalaý týraly» zań jobasy talqylandy, dep habarlaıdy Egemen.kz Senattyń baspasóz qyzmetine silteme jasap.
Qarjy jáne bıýdjet komıtetiniń keńeıtilgen otyrysynda Kelisimdi ratıfıkasııalaý EAEO músheleriniń aýmaǵynda temeki aksızderine salyq salýdy qoldanýdyń biryńǵaı tájirıbesin qamtamasyz etetindigi aıtyldy.
Qujat 2024 jyldan bastap temeki ónimderine aksızderdiń ındıkatıvti mólsherlemesin qoldanýdy kózdeıdi.
Talqylaý qorytyndysy boıynsha qujatty Palatanyń qaraýyna jiberý týraly sheshim qabyldandy.