Ulttyq bank 2 maýsymǵa arnalǵan resmı valıýta baǵamdaryn jarııalady. Oǵan sáıkes, dollar baǵamy 488,96 teńgeni, al rýbl baǵamy 6,81 teńgeni qurady, dep habarlaıdy Egemen.kz.
Aldyńǵy kúnmen salystyrǵanda dollar baǵamy 3,01 teńgege nyǵaıyp, 485,95 teńgeden 488,96 teńgege deıin ósti. Al rýbl baǵamy kerisinshe 0,02 teńgege tómendep, 6,83 teńgeden 6,81 teńgege tústi.
Astanada dollardy satyp alý baǵamy orta eseppen 486,01 teńgeni, al satý baǵamy 493,00 teńgeni qurady. Rýbldiń satyp alý baǵamy 6,45 teńge, satý baǵamy 6,75 teńge deńgeıinde qalyptasty.
Almaty qalasyndaǵy aıyrbastaý oryndaryndaǵy dollardyń ortasha satyp alý baǵamy 490,56 teńge bolsa, satý baǵamy 493,25 teńgege jetti. Reseı rýbli 6,56 teńgeden satyp alynyp, 6,69 teńgeden satylyp jatyr.
Osylaısha, valıýta naryǵynda dollardyń nyǵaıý úrdisi saqtalyp otyr.