Qytaı bıligi kompanııadan medıa aktıvterin azaıtý maqsatynda aldaǵy ýaqytqa jospar qurýdy surady, dep habarlaıdy Egemen.kz Wall Street Journal saıtyna silteme jasap.
Taraptar arasyndaǵy pikirtalas osy jyldyń basynda Hanchjoýda ornalasqan kompanııanyń ıeligindegi medıa aktıvterdiń tizimin qaraǵannan keıin bastaldy.
Mıllıarder Djek Ma negizin qalaǵan Alibaba kóptegen jyldar ishinde baspa, teledıdar, áleýmettik jelidegi jáne jarnamalyq aktıvterdi qamtıtyn aıtarlyqtaı medıa aktıvter qoryn jınady.
Ázirge Alibaba medıa aktıvteriniń jalpy quny belgisiz. Wall Street Journal basylymynyń habarlaýynsha, AQSh-tyń qor naryǵy ashylǵan kezde, kópshilikke satylatyn aksııalardyń jalpy naryqtyq quny 8 mıllıard dollardan asqan.
Bolashaqta Alibaba medıa aktıvterin satylymǵa qoıa ma, joq pa qazirgi ýaqytta naqty málimet joq. Alaıda, tehnologııalyq alpaýyttyń kez kelgen satý jospary Qytaıdyń joǵarǵy basshylyǵynyń maquldaýyn talap etedi. Alibaba gazetke BAQ aktıvterin satý týraly retteýshilermen talqylaý týraly túsinikteme berýden bas tartty.
WSJ buǵan deıin Qytaı bıligi Alibaba-nyń onlaın emes keıbir aktıvterin satý múmkindigin qarastyryp jatqanyn habarlaǵan. Sonymen qatar ótken aptada Qytaıdyń monopolııaǵa qarsy zańnamasyn buzǵany úshin Alibaba-ǵa Qytaıdaǵy rekordtyq mólsherde, ıaǵnı 975 mıllıon dollardan astam somada aıyppul salýǵa daıyndalyp jatqany belgili boldy.
Rabıǵa MURAT