Qazaqstandyq eksporttaýshylar konteınerlik tasymaldarǵa qyzyǵýshylyq tanytýda. Tasymaldaýdyń bul nusqasy júkterdi QHR-men shekaralyq ótkelder arqyly ótkizýdi tezdetýge múmkindik beredi.
Qazirgi kezde kórshi el jabyq vagondar men jartylaı vagondardaǵy júkterdi baıaý qabyldaıdy. Bul rette konteınerlerdegi júkterdi ádettegi rejimde qabyldap jatyr. Konteınerlerdi paıdalaný júkti jyljymaly quramdy tar tabandy temir jolǵa aýystyryp tıeýdi qajet etpeıdi.
– Qytaımen shekarada qalyptasqan jabyq vagondar men astyq tasyǵyshtardyń keptelisine baılanysty astyqty (arpa, zyǵyr tuqymy) konteınerlerge tıeýge kóshtik, – deıdi júkti Qazaqstannyń soltústik óńirlerinen Qytaıǵa jetkizetin júk jóneltýshi Nurlan Omarov. Kompanııanyń alǵashqy konteınerleri tasymaldaýǵa daıyn.
Júk jóneltýshilerdiń kópshiliginde konteınerlerge tıeýdi júzege asyrý úshin qajetti jabdyqtar bar. Konteınerlik tasymaldaýdy damytý maqsatynda «QTJ-Júk tasymaly» JShS 2021 jylǵy 31 jeltoqsanǵa deıin júk tasymaldaryn júzege asyratyn barlyq stansalardyń kirme joldarynda konteınerlerdi tıeýge jáne túsirýge ruqsat berdi.