Esirtki qylmysy údep tur

Oblystyq polısııa de­par­tamenti Esirtki qylmysyna qar­sy is-qımyl basqarmasynyń bastyǵy, polısııa polkovnıgi Asqar Jumabekovtiń aıtýynsha, ótken jyly óńirde 815 esirtki qylmysy tirkelipti. Onyń qa­tarynda 120 derek esirtki zattaryn satý bolsa, 68 derek ony asa iri mólsherde saqtaý boıynsha anyqtalǵan. Sondaı-aq aımaqta esirtki kontrabandasynyń 6 deregi, quramynda esirtki zaty bar ósimdikterdi ósirýdiń 26 deregi jáne úı qabyrǵalaryna graffıtı-jazýlardy jazý ar­qyly esirtki zatyn nasıhattaý men jarnamalaýdyń 3 deregi tir­kelgen. Al zańsyz aınalymnan 3 tonna 277 kılo ártúrli esirtki zattary tárkilengen.

Sonymen qatar Jambyl obly­synyń aýmaǵynda shamamen 251 gektar jerdi jyrtý, shabý, órteý jáne gerbısıdterdi qoldaný ar­qyly 50 tonnadan astam jabaıy qara sora joıylǵan.

Degenmen de, qoǵamda esirtki deıtin esti alatyn derttiń ja­ıylyp ketýi kópshilikti alań­datatyn másele. Bul bir ja­ǵynan qumarlyq bolsa, ekinshi jaǵynan paıda tabýdyń da tóte joly bolyp turǵany jasyryn emes.

Máselen, jýyrda ǵa­na res­­pýblıkalyq keń aýqym­dy «Dopıng» jedel-izdes­ti­rý is-sharalary aıasynda Jam­­­byl oblysynyń Polı­sııa de­par­tamenti Esirtki qyl­my­syna qarsy is-qımyl bas­qar­ma­synyń qyzmetkerleri Shý aýdanynan 38 jastaǵy áıeldi ustaǵan bolatyn. Tekserý barysynda «Bonı» atty qyzmettik ıt kúdiktiniń turǵyn úıiniń aýmaǵynda ornalasqan saraıdan jalpy salmaǵy eki kılodan asatyn ósimdik tektes zatty tapqan. Tabylǵan esirt­ki zaty tárkilenip, sotqa deıingi saraptamaǵa jiberilgen. Us­talǵan áıel kinásin mo­ıyndaǵan.

Jalpy, osy jyly bir ja­rym aıǵa jýyq ýaqyt ishinde óńirde esirtki boıynsha qu­­qyq­ buzýshylyqtyń 154 deregi tirkelipti. Onyń ishinde 34 de­rek esirtkini satý, 15 derek esirt­ki zattaryn asa iri mól­sher­de saqtaý bolsa, esirtki qu­­ral­darynyń kontrabandasy boıynsha 2 derek jáne 103 teris qylyqtar anyqtalǵan. So­ny­men qatar jedel izdestirý is-sharalaryn júrgizý barysynda zańsyz aınalymnan 95 kılodan astam ártúrli esirtki zattary tárkilenipti. Onyń ishinde 570 gramm geroın, 60 kılodan astam gashısh jáne 29 kılodan astam marıhýana bar.

«Esirtki qylmysyna qarsy is-qımyl boıynsha bizdiń bas­ty maqsatymyz – oblys tur­ǵyndary men jastardyń arasynda nashaqorlyqtyń aldyn alýǵa nazar aýdarý. Búgingi tańda kúndelikti monıtorıng júrgizý barysynda ǵalamtor keńistiginde sıntetıkalyq esirtki zattaryn taratýmen aınalysatyn 6 ǵalamtor saıty anyqtalyp, buǵattaldy. Taraz qalasynyń úıleri men ǵımarattarynyń qabyrǵalarynda jazylǵan 260-tan astam graffıtı-jazýlary joıyldy», deıdi basqarma bastyǵy Asqar Jumabekov.

Búginde el arasynda esirtki baqshasy týraly da jıi aıtylady. Bul másele tóńireginde Asqar Jumabekov 733 túp esirtki zaty bar ósimdikterdiń joıylǵanyn jetkizdi. Al Esirtki qylmysyna qarsy is-qımyl bas­qarmasynyń qyzmetkerleri «Dopıng» respýblıkalyq jedel-aldyn alý is-sharasyn ót­kizgen bes kúnniń ishinde 42 esirt­ki qylmysyn anyqtaǵan. Bul málimetterge qarap, óńirde esirtki máselesiniń ózekti ekenin baıqaýǵa bolady. Aımaqta qa­ýipti qubylystyń aldyn alý maq­­satynda da joǵary oqý oryn­­darynda, kolledjder men mek­tepterde jastarmen jıyndar jıi uıymdastyrylýda. О́ńir polıseıleriniń bastamasymen basqa da sharalar qabyldanýda. Biraq esirtki qylmysynyń jıi tir­­kelýi áli de óńirdegi ózekti má­­seleniń biri retinde qalyp otyr.

Jambyl oblysy