Fýtboldan ÝEFA Chempıondar lıgasynyń shırek fınalyna joldama alǵan qos komanda belgili boldy. Olar – Anglııanyń «Manchester Sıtı» jáne Madrıdtiń «Real» klýbtary.
1/8 fınalda «Manchester Sıtı» Menhengladbahtyń «Borýssııasyn» 2:0 esebimen utty. Birinshi taımda alań ıeleri eki márte dopty torda týlatqannan keıin oıynnyń máni de ketti, mańyzydy da joǵaldy. Bul goldardyń avtorlary – Kevın De Breıne (12-mınýt) men Ilkaı Gıýndogan (18-mınýt). Maqsat oryndalǵannan soń «MS» oıynshylary qarqynyn báseńdetti. Nemis fýtbolshylarynyń boıynan da «jaǵdaıdy túzetsek» degen asa bir qulshynys baıqalmady. Qos komanda arasyndaǵy alǵashqy kezdesýde de aǵylshyndar dál osyndaı eseppen jeńiske jetken edi.
Apennın túbeginde ótken oıynda 1:0 esebimen basymdyq tanytqan Madrıdtiń «Realdy» Madrıdte de ózderiniń ústemdigin pash etti. Zınedın Zıdannyń shákirtteri arasynda Karım Benzema (30-mınýt), Serhıo Ramos (60-mınýt) jáne Marko Asensıo (84-mınýt) mergendik tanytsa, qonaqtardyń bir ǵana golmen jaýap qaıyrýǵa shamalary jetti. Esep – 3:1.