Elordanyń mobıldi toptary shekteý sharalaryn buzýǵa jol bermeý jáne jolyn kesý boıynsha qoǵamdyq tamaqtaný oryndary men karantındik rejımdi áli kúnge deıin elemeıtin basqa da kásipkerlik obektilerin anyqtaý jalǵasýda. Qalalyq barlardyń birinde birden birneshe óreskel buzýshylyq anyqtaldy, dep habarlaıdy elorda ákimdiginiń resmı saıty.
Esil aýdanynda ornalasqan Chechil Pub barynda 17 naýryzdan 18-ine qaraǵan túni bir ýaqytta 80 adam bolǵan, bul karantın rejımin buzý bolyp sanalady. Sonymen qatar, bir ústelge 9-10 adam otyryp, kelýshilerdiń áleýmettik qashyqtyqty saqtamaǵany belgili boldy.
Almaty aýdanynda mobıldi top Elite cyber sport kompıýterlik klýbyn anyqtady.Keshe túnde Saryarqa aýdanynda eki buzýshylyq tirkeldi: "Zamandostar" kafesiniń qyzmetkerleri jumys ornynda betperdesiz júrse, "Bınkovskıı" bary saǵat 00.00-den keıin jumys istedi.Karantındik sharalardyń buzylǵany týraly materıaldar ákimshilik jaýapkershilikke tartylý úshin tıisti organdarǵa jiberildi.
Esterińizge sala keteıik, 10 naýryzdan bastap Nur-Sultan epıdemıologııalyq ahýal boıynsha "qyzyl aımaqqa" endi. Karantındik shekteýlerdi buzýshylyqtardy anyqtaý jáne boldyrmaý boıynsha monıtorıngtik toptardyń jumysy kúsheıtilgen rejımge aýystyryldy.
Jaqynda elordanyń bas sanıtarlyq dárigeri Sarhat Beısenova Nur-Sultanda karantındik shekteýlerdi qataıtý týraly Qaýlyǵa qol qoıdy. Oǵan sáıkes jeksenbi kúnderi birqatar kásipkerlik nysandarynyń jumysyna tyıym salynady. Qujat búgin, 18 naýryzda kúshine endi.