Petropavldyq polıseıler Instagram arqyly birneshe ınternet-alaıaqtyq qylmysyn jasady degen kúdikpen Almaty qalasynyń 31 jastaǵy turǵynyn ustady. Bul týraly Polisia.kz baǵdarlamasynyń kezekti shyǵarylymynda aıtyldy.
Petropavl qalasy Polısııa basqarmasyna qala turǵyndarynan ınternet-alaıaqtyq faktileri týraly birneshe aryz kelip túsken. Barlyq jaǵdaılarda qaskóı jábirlenýshilerdi Instagram áleýmettik jelisindegi jalǵan ınternet-dúken paraqshasy arqyly aldaǵan. Paraqshanyń ákimshisi qymbat turatyn áıelder kıimi men buıymdardy “satatyndaı” syńaı tanytyp, aldyn ala tólemdi qolǵa túsirgennen keıin baılanysqa shyqpaı qoıǵan. Atalǵan faktiler Sotqa deıingi tergep-tekserýdiń biryńǵaı tizilimine QR Qylmystyq kodeksiniń 190-baby 2-bóligi “Alaıaqtyq” boıynsha engizildi.
– Kóp jaǵdaıda áıelder aldanyp qalǵan. Instagram áleýmettik jelisindegi “Modnyi Store” paraqshasynan kıimge tapsyrys berip, aldyn ala tólemdi aýdarǵan. Jiberilgen soma ár túrli: 10 myńnan 300 myń teńgege deıin. Qarjy shotqa túskennen keıin qaskóı baılanysqa shyǵýdy qoıǵan, – dedi polıseıler.
Krımınaldyq polısııa qyzmetkerleri kúdiktini jedel tekseris kezinde anyqtady. Kúdikti Almaty qalasynyń turǵyny bolyp shyqty. Petropavldyq jedel ýákilder ony Temirtaý qalasynyń aýmaǵynda ustady. Qazirgi ýaqytta kúdikti qamaýǵa alyndy. Tergeýshiler onyń uqsas qylmystarǵa qatysyn tekserýde. Qazirgi ýaqytta is materıaldarynda Petropavl qalasy boıynsha 13 epızod tirkelgen.
Polıseıler taýar men qyzmetterge aldyn ala tólemdi talap etý – ınternet-alaıaqtardyń jıi paıdalanatyn amaly ekendigi týraly eskertedi jáne taýardyń baryna kóz jetkizbeı, aldyn ala tólemdi jibermeýge shaqyrady. Sondaı-aq, qarjy operasııalaryn jasamas buryn ınternet-dúkendi kommentarııler boıynsha zerdelep, satýshydan taýardyń beıne-sholýyn jiberýdi suraǵan jón.