О́zara yntymaqtastyq máseleleri talqylandy

Májilis Spıkeri Qytaı Halyq Respýblıkasy Qazaq­stannyń mańyzdy strategııa­lyq áriptesi, dos jáne tatý kórshisi ekenin atap ótip, eki el arasynda dıplomatııalyq qatynastar ornaǵan 29 jyl ishinde senimdi saıası dıalog, tereń ekonomıkalyq baılanystar ornap, jan-jaqty yntymaqtastyqtyń belsendi damyǵanyna nazar aýdardy.

Kezdesý barysynda Nur­lan Nyǵmatýlın osynyń bar­lyǵy qos memleket kósh­bas­shylarynyń dostyǵy men senim­di qarym-qatynasy­nyń ar­qasynda qol jetkizgen jetis­tikter ekenine toqtalyp, odan ári Qazaq­stannyń Tuńǵysh Pre­zı­denti Nursultan Nazar­baev­tyń memleketaralyq qatynas­­tardyń strategııalyq áriptes­tik deńgeıine jetkizý jolyn­daǵy mańyzdy rólin atap ótti. Sondaı-aq Májilis Tór­aǵasy Qazaq­stannyń qazirgi Pre­zı­denti Qasym-Jomart To­qaev­tyń Qytaımen yntymaq­tastyq­qa úlken mán beretinin aıtty.

О́z kezeginde, mártebeli meıman Qazaqstannyń jaqyn da shynaıy dos memleket ekenin atap ótip, eki el arasyndaǵy jo­ǵary dıplomatııalyq jáne yn­tymaqtastyq baılanysqa kó­ńil bóldi. Sonymen qatar Lı Chjanshý ótken jyl elder úshin kúrdeli kezeń bolǵanyna toq­talyp, indet ýaqytynda Qytaı men Qazaqstan arasynda koro­navırýsqa qarsy ózara qoldaý belsendi júrgizilgenin aıtty. 

Búkilqytaılyq halyq ókilderi jınalysy Turaqty komıtetiniń Tóraǵasy Qazaq­stannyń gúldenýine nıettes bola otyryp, memleketter basshylarynyń eldi damytý jolyndaǵy aıryqsha eńbekterine toqtaldy. Sondaı-aq alǵa qoıylǵan mindetter men josparlardyń sátti oryndalyp, Qazaqstannyń tabysty 30 memleket qataryna qosy­latynyna senim bildirdi.  

Kezdesý barysynda Máji­lis Tóraǵasy karantındik sharalarǵa qatysty Qazaqstan-Qytaı shekarasyndaǵy ótkizý beketteri arqyly júkterdi tasy­maldaýda qıyndyq oryn alǵanyna baılanysty avto­kólik jáne temir jol qaty­nastarynyń úzdiksiz jumysyn qalpyna keltirý úshin Qytaı­dyń ótkizý beketterinde, «eks­press dálizder», «jasyl dálizder» jáne júk tasymalyn ulǵaıtý úshin «temir kerýen» qurý jónindegi bastamany iske asyrýdy jalǵastyrýǵa elimizdiń daıyn ekenin jetkizdi.

Nurlan Nyǵmatýlınniń piki­rinshe, bul pandemııa jaǵ­daıynda Eýrazııa qurlyǵyn­daǵy «Qytaı-Eýropa» baǵyty bo­ıynsha temirjol qatynasyn odan ári damytý jolymen óńirlik ekonomıkalyq ıntegrasııa sheńberinde Qazaqstan-Qytaı yntymaqtastyǵyn ny­ǵaıtýǵa múmkindik beredi.

Sonymen qatar Májilis Tóraǵasy kezdesýdiń Qytaı Kommýnıstik partııasynyń 100 jyldyǵy qarsańyna sáıkes kelgenin alǵa tartyp, dostas Qytaı eline órkendeý men baq-bereke tiledi.