Almatydaǵy «Bóbek» ortalyǵynda ZOOM platformasynda Shalva Aleksandrovıch Amonashvılıdiń 90 jyldyq mereıtoıyna arnalǵan «Ustaz, meni shyǵarmashylyqqa shabyttandyr!» taqyrybynda Halyqaralyq forým ótti, dep habarlaıdy Egemen.kz.
Forýmǵa QR BjǴM-niń jáne aımaqtyq bilim basqarmalarynyń ókilderi, «Bóbek» UǴBBSO-nyń jáne Adamnyń úılesimdi damýy ulttyq ınstıtýtynyń qyzmetkerleri, sheteldik seriktester, ǵalymdar, mektepke deıingi bilim berý, orta bilim berý mekemeleriniń, TjKB jáne joǵary oqý oryndarynyń basshylary men ózin-ózi taný pániniń muǵalimderi, ata-analar men stýdentter qatysty.
«Bóbek» UǴBBSO-nyń bas dırektory Elena Sákenova alǵy sóz sóıleý barysynda Sara Alpysqyzy Nazarbaevanyń, QR Bilim jáne ǵylym mınıstri Ashat Qanatuly Aımaǵambetovtyń jáne QR Bilim jáne ǵylym vıse-mınıstri Bıbıgúl Amangeldiqyzy Asylovanyń quttyqtaý sózderin oqyp berdi. Ol Shalva Amonashvılı óz ómiri jáne shyǵarmashylyǵymen pedagogıkalyq qaýymdastyqta rýhanı gýmanızm ıdeıalaryn rastaıtynyn atap aıtty. «Siz adamdarǵa, eń mańyzdy, máńgilik, qundylyq týraly oılanýǵa ıtermeleıtin, naqty bilim beresiz. Sizdiń talpynysyńyzdyń bıiktigi, naqty ustazdyń batyldylyǵy, sizdiń danalyǵyńyz ben rýhanı tereńdigińiz, sizdiń kitaptaryńyz ben muǵalimdik qyzmettiń máni týraly sabaqtaryńyz, júrek jomarttylyǵy ári Sizdiń jeke tulǵańyzdyń magnetızmi bizdi ózin-ózi tanýǵa, ózin-ózi jetildirýge shaqyrady», dep, jyly lebizin bildirdi.
Sondaı-aq gýmandyq pedagogıkanyń avtoryn mereıtoıymen «AÚDUI» KEAQ prezıdentiniń mindetin atqarýshy Irına Kalacheva, «Ata-analar qamqorlyǵy» halyqaralyq qozǵalysynyń tóraıymy, h.ǵ.k. Klara Mansýrova (Reseı), p.ǵ.d., professor, RBBA múshe-korrespondenti, Daǵystan memlekettik pedagogıkalyq ýnıversıtetiniń túzetý pedagogıka jáne arnaıy psıhologııa kafedrasynyń meńgerýshisi Djafar Mallaev (Reseı) jáne «О́zin-ózi taný» gımnazııasynyń dırektory Elena Loseva quttyqtady.
О́z kezeginde Halyqaralyq Gýmandyq pedagogıka ortalyǵynyń prezıdenti, akademık, professor, ǵylym doktory Sh. A. Amonashvılı jáne psıhologııalyq ǵylymdar doktory, «Bastı Býbý» balalarǵa arnalǵan mektepke deıingi mekemeniń sosıologi ári pedagogi P. Sh. Amonashvılı forýmǵa qatysýshylarǵa alǵystaryn bildirip, densaýlyq, jaqsylyq men sáttilik tiledi.
Forým barysynda «AÚDUI» KEAQ-nyń ǵylymı hatshysy G. I. Qalıeva, «AÚDUI» KEAQ-nyń bilim berý qyzmeti jáne ádistemelik qamtý boıynsha Departamentiniń dırektory G. Ú. Saǵymbaeva, «AÚDUI» KEAQ-nyń ǵylymı-ádistemelik bóliminiń bastyǵy B. Sh. Álıev jáne taǵy basqalar baıandamalaryn ortaǵa saldy.
Forýmǵa qatysýshylar nazaryna «Bóbek» UǴBBSO-nyń tárbıelenýshileriniń shyǵarmashylyq nómirleri usynyldy.