24 naýryzda «Qazgıdromet» RMK derekteri boıynsha 13 óńirde daýyldy eskertý jarııalandy, dep habarlaıdy Egemen.kz.
Nur-Sultan qalasy, Aqmola jáne Qaraǵandy oblystarynyń TJD daǵdarys ortalyqtarynda jedel shtabtar jumys jasaýda.
Qazirgi ýaqytta aýa raıynyń nasharlaýyna baılanysty (boran, qar, nashar kóriný) 5 óńirde, atap aıtqanda Nur-Sultan qalasy, Aqmola, Qaraǵandy, Shyǵys Qazaqstan, Pavlodar oblystarynda respýblıkalyq mańyzy bar avtojoldardyń 16 ýchaskesi jáne oblystyq mańyzy bar avtojoldardyń 37 ýchaskesinde jol jabyq.
Nur-sultan qalasy, Aqmola jáne Qaraǵandy oblystaryndaǵy beketterde 232 birlik tehnıka, onyń ishinde 154 birlik júk jáne 78 birlik jeńil tehnıka tur.
TJM aýmaqtyq bólimsheleri ótken táýlikte Nur-Sultan qalasynda, Aqmola, Almaty, Qaraǵandy, Pavlodar oblystarynda qar qursaýynan 724 adamdy, onyń ishinde 111 balany qutqardy, 425 birlik tehnıkany shyǵardy
Aqmola jáne Qaraǵandy oblystarynyń jylytý pýnktterine 463 adam, onyń ishinde 75 bala ornalastyryldy.
Shuǵyl jumystarǵa TJM, IIM, JAO jáne jol qyzmetteri barlyǵy 608 adam jáne 325 birlik tehnıka jumyldyryldy.
Halyqty eskertý maqsatynda aýa raıynyń nasharlaýy týraly 57 SMS-habarlama jiberildi, "Dármen" mobıldik qosymshasy arqyly 53 habarlama jiberildi, halyq 112 jáne 101 pýltterine kómek kórsetý jáne aqparat alý úshin 6886 ret júgindi.
TJM azamattardy aýa-raıynyń ózgeristerin baqylaýǵa shaqyrady. Daýyldy eskertý týraly habarlamalardy tyńdap, qajetti saqtyq sharalaryn saqtańyzdar.