Nur-Sultan qalasynda jáne irgedegi eldi mekenderde aýa raıynyń kúrt nasharlaýyna baılanysty azamattardy qar qursaýynan qutqarý jumystaryna Ulttyq ulan jaýyngerleri tartyldy, dep habarlaıdy Egemen.kz.
Elordanyń TJD suraýy boıynsha 2021 jyldyń 23-24 naýryzyna qaraǵan túni 5573 áskerı bólimniń 52 áskerı qyzmetshisi apattyq-qutqarý jumystaryna jáne Nur-Sultan-Arshaly, Nur-Sultan-Qoıandy tas jolyndaǵy jedel jumystarǵa tartyldy.
Belgi túsken sátten bastap áskerı qyzmetshiler 4 dana joǵary ótimdiligi bar tehnıkamen qutqarý jumystaryna kiristi. Nátıjesinde tańǵy 5.00 shamasynda qar qursaýynan 30 avtokólik jáne 50-ge jýyq adam qutqaryldy.Olardyń arasynda egde adamdar, áıelder jáne balalar bar. Áskerı qyzmetshiler sondaı-aq qutqarylǵan azamattardy ystyq shaı jáne býterbrodtarmen qamtamasyz etti.