Aqtóbedegi «Ibis» qonaqúıi qaýipsizdik qyzmetiniń bastyǵy dárethanadan «jarylǵysh zattyń» tabylǵanyn aıtyp, polısııadan kómek suraǵan dep habarlaıdy Egemen.kz
«Oqıǵa ornyna barlyq jedel qyzmet jiberildi. Polısııa qyzmetkerleri «Ibis» qonaqúıinen 97 adamdy evakýasııalady. Olardyń 10-y qonaqúı qyzmetkeri, jeteýi bank qyzmetkeri, ózgesi qonaqúı bólmesin jalǵa alǵandar. Arnaıy bólimshe saperleri qonaqúıdiń ákimshilik ǵımaratyna tekserý júrgizdi. Tekserý barysynda birinshi qabatta ornalasqan dárethana bólmesindegi qol jýýǵa arnalǵan orynnan jarylǵysh qurylǵysyna uqsas metall zat tabyldy. Metall korpýsta «mýlıaj» gravırovkasy bar. Qazir ony tastap ketken adamdy anyqtaýǵa baǵyttalǵan arnaıy jáne jedel-izdestirý is-sharalaryjúrgizilip jatyr. Atalǵan fakti boıynsha QR Qylmystyq kodekste «Atys qarýyn, oq-dárilerdi, jarylǵysh zattardy nemese jarylǵysh qurylǵylardy zańsyz satyp alý, berý, ótkizý, saqtaý, tasymaldaý nemese alyp júrý» baby boıynsha sotqa deıingi tergeý bastaldy», dep habarlady oblystyq PD baspasóz qyzmetiniń jetekshisi Erbolat Sarqulov.