Qaladaǵy sýǵa qoly jete almaı otyrǵan aýmaqtarda bıyl arnaıy qurylǵylarmen jabdyqtaý jáne sý júıelerine qosý jumystary qarqyndy júrgizilýde. Osy oraıda 20 myńnan astam úıde sý máselesi sheshiletin bolady.
О́ńirlik kommýnıkasııalar alańynda ótken brıfıngte Energotıimdilik jáne ınfraqurylymdyq damý basqarmasy basshysynyń orynbasary mindetin atqarýshy Berik Jambylov «Almaty-2020» damý baǵdarlamasy aıasynda ótken jyly 33 joba boıynsha 312 shaqyrym sý qubyry jáne káriz jelileri salynǵanyn jetkizdi. Bul qalaǵa qosylǵan eldi mekenderde, sonyń ishinde Dýman, Samǵaý jáne Aqbulaq kentterinde 23 myńǵa jýyq turǵyn úıdi qamtýǵa múmkindik berip otyr.
Qazirgi kezde qala turǵyndarynyń júz paıyzǵa jýyǵy ortalyqtandyrylǵan sýmen qamtylǵan. B.Jambylov atap ótkendeı, turǵyndardy sýmen qamtamasyz etý 2019 jylmen salystyrǵanda 0,6 paıyzǵa ósken. Al qalanyń 17 shaǵyn aýdanynda ótken jyly bastalǵan jumystar bıyl aıaqtalady. Osy oraıda Quramys, Jaılaý, Taýjoly, Kolhozshy, Álmerek, Kemel, Alǵabas, Boraldaı, Shuǵyla, Aqjar, Qaırat, Samǵaý, Qarasý, Shapaǵat, Terekti, Shańyraq-1, Kókshoqy sııaqty eldi mekenderde 150 shaqyrymdy sýmen jabdyqtaý jáne 130 shaqyrymǵa sý jelilerin tartý josparlanýda.
Naýryz merekesine oraı almatylyqtardyń sýsyz qalmaýyn aldyn alý maqsatynda kommýnaldyq qyzmetter kúsheıtilgen rejimge kóshken.
Energotıimdilik jáne ınfraqurylymdyq damý basqarmasynyń málimetteri boıynsha, megapolısti energııamen jáne jylýmen JEO-1, JEO-2, GES kaskady, Batys jylý kesheni jáne 8 qazandyq qamtamasyz etip otyr.
Qazirgi kezde qalalyq jylý-energetıkalyq jáne turǵyn úı-kommýnaldyq sharýashylyq salalarynyń 817 mamany men ınjenerlik-tehnıkalyq qyzmetkerleri óz mindetterine saqadaı saı. Al tótenshe jaǵdaılardyń aldyn alý maqsatynda 300 mamannan jasaqtalǵan 80 brıgada, 280 arnaıy tehnıka jumys isteıdi. Sonymen birge arnaıy tehnıka jáne qurylǵylarmen qamtylǵan dıspetcherler, kezekshi qyzmetkerlerdiń de jumysy kúsheıtilgen.
ALMATY