Búgin Ortalyq kommýnıkasııalar qyzmetinde Bilim jáne ǵylym vıse-mınıstri Sholpan Karınova tórtinshi toqsanda mektepterde oqý prosesi qalaı uıymdastyrylatynyn aıtyp berdi, dep habarlaıdy Egemen.kz.
«Mektepterde oqý prosesin uıymdastyrý kezinde barlyq epıdemııaǵa qarsy is-sharalar qarastyrylady. Ashanalardyń jumysy sanıtarlyq epıdemııalyq talaptardy saqtaı otyryp, óńirlik Bas sanıtarlyq dárigerlerdiń kelisimimen uıymdastyrylady. Mindetti mektep formasyn kııýdiń qajeti joq, sabaqqa erkin jáne uqypty kıimde qatysýǵa ruqsat etiledi. Aýysymdar boıynsha synyptar sanyn, sondaı-aq jekelegen pánderdi qashyqtan oqytýdy mektep derbes belgileıdi», dedi Sholpan Karınova.
Onyń aıtýynsha, mınıstrlik negizgi pánderdi shtattyq formatta oqytýdy usynǵan. Al mýzyka, kórkem eńbek, ınformatıka, quqyq negizderi, grafıka jáne jobalaý, kásipkerlik jáne bıznes negizderi syndy pánder qashyqtan oqytylady. Dene shynyqtyrý sabaqtaryn taza aýada ótkizýge usynys berildi.