Mektepterde oqý úrdisin uıymdastyrý kezinde barlyq sanıtarlyq is-sharalar qarastyrylatyn bolady, dep habarlaıdy Egemen.kz QR Bilim jáne ǵylym mınıstrliginiń baspasóz qyzmetine silteme jasap.
Mınıstrlik negizgi pánderdi shtattyq formatta oqytýdy, al mýzyka, kórkem eńbek, ınformatıka, quqyq negizderi, grafıka jáne jobalaý, kásipkerlik jáne bıznes negizderi pánderin qashyqtan ótkizýdi usynyp otyr. Dene shynyqtyrý sabaqtaryn taza aýada ótkizý boıynsha usynys berildi.
Bilim berý uıymy ákimshiliginiń sheshimi boıynsha sabaqtan tys ýaqytta 15 adamnan aspaıtyn toptarda oqýshylardy jeke oqytýǵa bolady.
Mektep ashanalarynyń jumysy jergilikti ákimdikterdiń sheshimi ári bas sanıtarlyq dárigerlerdiń kelisimi boıynsha sanıtarlyq-epıdemıologııalyq normalardy saqtaı otyryp, uıymdastyrylady.
Mindetti mektep formasyn kııýdiń qajeti joq, sabaqqa erkin jáne uqypty kıimde qatysýǵa ruqsat etiledi.