Almatyda Aıajan Edilovany óltirdi degen kúdikke ilingen azamat aýrýhanadan shyqty, dep habarlaıdy Egemen.kz
Almaty prokýratýrasynyń baspasóz qyzmeti málim etkendeı, kúdikti aýrýhanadan shyǵaryldy. Sot oǵan «qamaýǵa alý» sharasyn bekitti. Qazir ol Polısııa departamenti janyndaǵy ýaqytsha ustaý ızolıatoryna 2 aıǵa qamaýǵa alyndy.
Kúdiktini ustaý kezinde ol óz-ózine qol jumsamaq bolyp denesin jaraqattaǵan. Biraq onyń bul áreketi iske aspady. Oqıǵa ornyna dárigerler shaqyrtylyp, ustalǵan adam №7 aýrýhanaǵa jetkizildi. Kúdikti - 1993 jyly týǵan Túrkistan oblysynyń turǵyny.