«Qazposhta» qyzmet aıasyn keńeıtti

Kompanııa sıfrly transfor­masııa aıasynda poshta-logıs­tıkalyq qyzmet kórsetý servısin jetildirýge erekshe nazar aýdaryp keledi. Jú­ıeli jumystardyń nátıjesinde «Qazposhta» AQ bıyl «Kedendik ókilder» tizi­limine engizildi. En­di kompanııa halyqaralyq poshta jónel­ti­lim­deri men júkterdi keden­dik resimdeý qyzmetterin tolyq usy­­natyn bolady. Kedendik ókildiń basty artyqshylyǵy – kedendik resimdeý qyzmetterin «bir tereze» qaǵıdaty boıynsha kórsetý.

– Bul kompanııanyń poshta-logıstıkalyq qyzmet kórsetýdiń tolyq­qandy modelin qurý jolyn­daǵy negizgi qadamdarynyń biri jáne onyń mýltıplıkatıvti áseri zor bolmaq. Osylaısha, kompanııa el turǵyndaryna kórsetiletin qyz­metter spektrin keńeıtip otyr. Jetkizý men saqtaýdan bas­tap tapsyrystardy basqarý jáne qozǵalysty qadaǵalaýǵa deıin to­lyqqandy servıstik modeldi usynamyz. Bul úshin kompanııa mamandary arnaıy oqytyldy, – dedi «Qazposhta» AQ-nyń Logıs­tıkalyq servıs jónindegi basqarýshy dırektory Asqar Ábdikárimov. 

Belgili bolǵandaı, halyqara­lyq poshta jóneltilimderi men júkterdi kedendik resimdeý qyz­metteri ázirshe Nur-Sultan jáne Almaty qalalarynda qol­jetimdi bolmaq. Keıin qyzmet kór­setý aıasyn keńeıtip, oblys orta­lyq­tarynyń barlyǵyn qamtý jos­parlanýda. Sondaı-aq kóliktiń barlyq túrin qamtý kózdelýde.

– Eger jeke tulǵanyń sálem­demesiniń quny 200 eýrodan, al salmaǵy 31 kılodan asatyn bolsa, onda ol mindetti túrde ke­dendik resimdeýden ótýi kerek. «Qazposhta» klıentterine osyn­daı qyzmet usynylyp otyr. Qyz­met aqyly, álbette. Qazir atal­ǵan prosesti avtomat­tandyrý júr­gizilip jatyr. Klıent­tiń qyz­metke onlaın rejimde tap­syrys berý múmkindigi qaras­tyrylýda, – dep naqtylady A.Ábdikárimov. 

Sondaı-aq kompanııa qazir ýá­kiletti ekonomıkalyq opera­tor mártebesin alý boıynsha ju­mys júrgizýde. Ol Eýrazııalyq eko­nomıkalyq odaqqa kiretin mem­­leketterdiń shekarasyn kesip ótý kezinde júkterdi resimdeýdiń oń­taılandyrylǵan tártibin paı­dalanýǵa jol ashady. Bul óz keze­ginde halyqaralyq poshta jónel­tilimderi men júkterdi jetkizýdi jedeldetýge múmkindik beredi.

– «Qazposhtanyń» 2027 jylǵa deıingi damý strategııasy aıasynda kedendik qyzmetterdi qamtamasyz etý – keshendi logıstıkalyq qyz­met­terdi qurýdyń bir bóligi. Bul rette arnaıy logıstıkalyq servıs fılıaly qurylǵanyn atap ótken jón. Onyń mindeti – ishki jáne syrtqy naryqtarǵa kedendik-logıstıkalyq qyz­metter kórsetý. Sondaı-aq ta­sy­­­maldaý, ýaqytsha saqtaý qyz­metterin usyný. Logıstıkalyq pro­sesterdi ońtaılandyryp ári jedel­detip, qyzmetterdiń barlyq spektrin usyný negizinde óńirlik saıasatty damytamyz, – deıdi A.Ábdikárimov.