Atyraýda 38 jastaǵy azamattyń alıment tóleýden jaltaryp, halyqaralyq izdeýde júrgeni áshkerelendi, dep habarlaıdy Egemen.kz.
Oblystyq polısııa departamentiniń baspasóz qyzmetiniń aqparatyna qaraǵanda, 26 naýryzda saǵat 11:00 shamasynda polıseıler ony kóshede mas kúıde ustaǵan.
«Atyraý qalasyndaǵy №6 ýchaskelik polısııa beketiniń ýchaskelik polısııa ınspektorlary tekserý kezinde mas jigittiń Túrkistan qalasynyń turǵyny ekenin anyqtady. Jasy – 38-de. Oǵan qatysty QR Ákimshilik quqyqbuzýshylyq týraly Kodeksiniń 440-babynyń 1-bóligimen (Alkogoldik ishimdikterdi ishý nemese qoǵamdyq oryndarǵa masań kúıde kelý) ákimshilik hattama toltyrylyp, 5 aılyq eseptik kórsetkish kóleminde aıyppul salyndy. Sondaı-aq, oǵan 2017 jyldan beri alıment tóleýden jaltaryp, qashyp júrgenine baılanysty halyqaralyq izdeý jarııalanǵany belgili boldy» dep habarlady departamenttiń baspasóz qyzmetinen.