Brıtanııalyq-shvedtik AstraZeneca kompanııasy preparattyń ataýyn nelikten Vaxzevria dep ózgertkeni belgisiz, dep habarlaıdy Egemen.kz
Mamandardyń aıtýynsha, vaksına ataýynyń ózgerýi basqa ózgeristerge ákelmeıdi. Sondaı-aq olar bul ataý týraly bilýi kerektigin alǵa tartady. Sebebi preparattyń qaptamasy men tańbalanýy túpnusqadan ózgeshe bolýy múmkin. Osy oraıda eýropalyq dárilik zattar agenttigi (EMA) 25 naýryzda AstraZeneca kompanııasy bergen tıisti ótinimdi teksergennen keıin vaksınanyń jańa ataýyn maquldady.
«Vaxzevria – bul 18 jáne odan joǵary jastaǵy adamdarda SARS-CoV-2 vırýsy týdyratyn koronavırýs ınfeksııasynyń (COVID-19) aldyn alýǵa arnalǵan vaksına», delingen EMA habarlamasynda.