Ulttyq qoǵamdyq densaýlyq saqtaý ortalyǵy fılıalynyń referens-zerthanasy júrgizgen zertteýlerdiń qorytyndysy boıynsha Qazaqstan Respýblıkasynda «brıtandyq», «ońtústik afrıkalyq», «brazılııalyq» shtamǵa tán yqtımal mýtasııa anyqtaldy. Bul týraly Densaýlyq saqtaý mınıstri Alekseı Soı aıtty, dep habarlaıdy Egemen.kz
«Zertteý qorytyndysy boıynsha Shyǵys Qazaqstan, Qostanaı, Pavlodar jáne Soltústik Qazaqstan oblysynan ózge óńirlerde «brıtandyq», «ońtústik afrıkalyq», «brazılııalyq» shtamǵa tán yqtımal mýtasııa anyqtaldy. Almaty qalasynda naýqastardan alynǵan DNK-nyń sekvenırleý nátıjesi boıynsha «brıtandyq» jáne «ońtústik afrıkalyq» shtamynyń aınalymy belgilengen», dedi A.Soı.
Onyń aıtýynsha, Dúnıejúzilik densaýlyq saqtaý uıymynyń 2021 jylǵy 30 naýryzdaǵy derekteri boıynsha «brıtandyq shtamm» 125 elde, «ońtústik afrıkalyq» - 75 elde, al «brazılııalyq» 41 elde anyqtaldy.
Koronavırýstyń jańa shtamdary men alǵashqy shtamnyń belgileri birdeı – dene temperatýrasy kóteriledi, jótel jáne adam dám men ıis sezbeı qalady. DDU málimetteri boıynsha vırýstyń yqtımal mýtasııasy adamdardyń indetti juqtyrý jıiligine qaraı artady.