Petropavldaǵy JShS aýmaǵynan joǵarǵy baǵasy 500 myń teńge turatyn 30 metrlik mys kabeli urlanǵan, dep habarlaıdy Egemen.kz.
Jedel-izdestirý is-sharalary barysynda krımınaldyq polısııa qyzmetkerleri oblys ortalyǵynyń 19 ben 20 jastaǵy eki turǵynyn ustady. Olardyń bireýi kórshi kásiporynda jumys istegen. Aıtýynsha, jumysqa bara jatqan tusta kózine únemi osy kabel túsken eken. Ustalǵandar urlanǵan kabeldi oqshaýlaýysh materıaldan tazartý úshin otqa kúıdirip, metall qabyldaý ornyna bar bolǵany 27 myń teńgege tapsyrypty. Atalǵan fakti boıynsha Qylmystyq kodekstiń 188-babymen Sotqa deıingi tergeý bastaldy.
«Qaskóıler kásiporynǵa aıtarlyqtaı shyǵyn keltirip, az ǵana qarajat úshin bastaryn báıgege tikken. Kóp jaǵdaılarda kúzettiń saýatty uıymdastyrylýy qylmystyń aldyn alýǵa múmkinshilik beredi. Atalmysh kásiporynnyń kúzeti tııanaqty jumys istemegen», deıdi SQO PD Krımınaldyq polısııa basqarmasy bastyǵynyń orynbasary, polısııa podpolkovnıgi Marat Jumalıev.