Pavlodar qalasynda órt sóndirýshiler 40 adamdy evakýasııalady, dep habarlaıdy Egemen.kz
Oblystyq tótenshe jaǵdaılar departamentiniń málimetinshe, 30 naýryz kúni 23 saǵat 52 mınýtta Pavlodar qalasy General Dúısenov kóshesi, 1 mekenjaıynda órt týraly habarlama kelip túsken.
Bes qabatty turǵyn úıdiń birinshi qabatynda qosalqy úı-jaıda turmystyq kerek-jaraq, 2 sharshy metr alańda aǵash qalqalar janyp jatty.
О́rt sóndirýshiler kelgenge deıin 10 adam óz betinshe evakýasııalandy.
Kireberistiń qatty tútinine baılanysty keıbir turǵyndar qorqyp, azdap úreılendi.
Biraq oqıǵa ornyna kelgen órt sóndirý bóliminiń qyzmetkerleri jedel evakýasııalaýǵa kómektesti jáne turǵyndardy baspaldaq alańymen súımeldedi.
Turǵyndardyń kópshiligi túngi ýaqytta demalyp jatqandyqtan, qyzmetkerler páter ıelerin oıatyp, órt bolǵan jerden ketýin ótinýge májbúr boldy.
Barlyǵy órt sóndirýshilerdiń súıemeldeýimen baspaldaq marshy boıynsha 40 adam, onyń ishinde 10 bala evakýasııalandy. О́rt 00 saǵat 28 mınýtta sóndirildi.
Qyzyl jalynnyń sebebi men shyǵyny anyqtalýda. Oqıǵa ornynda jeke quramnyń 27 qyzmetkeri, 5 tehnıka jumys istedi.
Sonymen qatar, órt bolǵan jerge «Vodokanal» JShS, qalalyq elektr jelileri jáne «102» qyzmeti boldy.О́rt sóndirýshilerdiń jedel is-áreketiniń arqasynda zardap shegýshiler men qaza bolǵandar bolǵan joq.