О́zbekstan Prezıdenti Shavkat Mırzııoev óz sózinde berik tarıhı baılanysqa, til, mádenıet jáne rýhanı qundylyqtardyń ortaqtyǵyna negizdelgen Túrki tildes memleketterdiń yntymaqtastyq keńesi óńirlik ózara is-qımyldyń tıimdi tetigine aınalyp kele jatqanyn erekshe atap ótti.
Memleket basshysy Keńestiń pandemııadan týyndaǵan jahandyq daǵdarystyń teris saldaryn eńserýge baǵyttalǵan qysqa jáne orta merzimge arnalǵan ekonomıkalyq yntymaqtastyq strategııasyn ázirleý bastamasyn usyndy. Ol saýda, ınvestısııalyq, kooperasııalyq jáne kólik baılanystaryn tezirek qalpyna keltirip, olardy jańa jaǵdaıda odan ári damytý, elektrondy kommersııa men sıfrlyq tehnologııalardy keńinen engizý, isker toptardyń múmkindikteri men óńiraralyq yntymaqtastyqty neǵurlym tolyq paıdalaný qajettigine nazar aýdardy.
Sh. Mırzııoev óz sózinde Túrki keńesi óziniń ınvestısııalyq qoryn jasaqtap, Damý bankin ashatyn ýaqyt kelgenin málimdedi. Odan bólek, aımaqtyń kólik-tranzıt áleýetin damytýdyń mańyzdylyǵy arta túskendigi sóz boldy.