Almaty polıseıleri reseılik áriptesterine 13 jyl izdeýde bolǵan qaraqshyny ustaýǵa kómektesti, dep habarlaıdy Polisia.kz.
2008 jyly «M» esimdi azamat (1990 jylǵy) óziniń «P» esimdi dosymen Saratov oblysynyń Engels qalasynda áıel adamǵa shabýyl jasap, aqshasyn alyp ketken.
«Osy fakti boıynsha Saratov oblysynyń Engels mýnısıpaldy aýdanynyń IIB janyndaǵy TB-da Reseı Federasııasy QK-niń 162-baby 2-bólimi (Qaraqshylyq shabýyl) boıynsha qylmystyq is qozǵaldy. Olardyń biri ustalyp, 4,5 jylǵa bas bostandyǵynan aıyryldy. «M» esimdi azamat qashyp úlgerdi. Oǵan qatysty izdeý isi ashyldy: ooǵan 2008 jyldyń shilde aıynda memleketaralyq jáne halyqaralyq izdeý jarııalandy», dedi Almaty qalalyq PD krımınaldyq polısııa basqarmasynyń bastyǵy Erkin Ińkárov.
Shamamen 13 jyl ótken soń Almaty polısııasy jedel-izdestirý sharalaryn júrgizý barysynda qashqyndy ustady. Qazir ýaqytta kúdikti qamaýda. Qylmyskerdi ekstradısııalaý máseleleri Mınsk konvensııasyna sáıkes sheshiletin bolady.