Aqtaý garnızonynda qorǵanys vedomstvosynyń basshysy arnaıy operasııalar kúshteriniń quramdaryn tekserýdiń ekinshi kezeńi ótip jatqan oqý-jattyǵý polıgondaryn aralady, dep habarlaıdy Egemen.kz Qorǵanys mınıstrliginiń baspasóz qyzmetine silteme jasap.
Bul tekserý Qurlyq áskerleriniń, Áýe qorǵanysy kúshteriniń jáne Áskerı-teńiz kúshteriniń bólimshelerin qamtydy.
General-leıtenant Nurlan Ermekbaev 2020 jyly áskerlerge jaýyngerlik oqý-jattyǵýdyń mańyzdy baǵyty retinde engizilgen, taktıkalyq atys jattyǵýlaryn oryndaý barysymen tanysty.
Budan ózge tekserýge sýǵa desant túsirý men kemelerdiń dıversııasyna qarsy sharalardy oryndaıtyn bólimshelerdiń jaýynger júzgishteri de qatysty. Al Áskerı-áýe kúshteriniń armııa avıasııasy osy kezde jeke quramdy jetkizý men desant túsirý mindetterin oryndaıdy.
Jýyrda áskerlerde jeńil tehnıkamen tikushaqtardan desant túsirý tásilderi, sondaı-aq tótenshe jaǵdaılarda psıhologııalyq turaqtylyqty arttyrý boıynsha arnaıy jattyǵýlar pysyqtalǵanyn aıta ketken jón.
Sonymen qatar, Qorǵanys mınıstri garnızonnyń áskerı bólimderiniń qoımalarynda qarý-jaraq pen oq-dárilerdi saqtaýdyń uıymdastyrylýyn tekserdi.
Qorǵanys vedomstvosynyń basshysy ásirese, órt pen dıversııaǵa qarsy qaýipsizdiktiń jaı-kúıine, tehnıkalyq kúzet quraldarynyń durystyǵyna, sondaı-aq saqtaý obektilerinde qaraýyldyq qyzmetti uıymdastyrýǵa nazar aýdardy.