2004 jyldan beri Qazaqstanda Ulttyq biryńǵaı testileý ótkizilip keledi. Mektep túlekteri ony qaǵaz jáne jazbasha túrde tapsyrdy. Attestattaǵy qorytyndy baǵa nátıjelerge baılanysty boldy jáne JOO-ǵa túsý máselesi sheshildi. Qazir UBT memlekettik bilim grantyn taǵaıyndaý konkýrsyna qatysý úshin negizgi mehanızm bolyp tabylady. Bul álemdik tájirıbe. Bul týraly Ortalyq kommýnıkasııalar qyzmetinde ótken brıfıng barysynda bilim vıse-mınıstri Sholpan Karınova habarlady, dep jazady OKQ silteme jasap.
«BǴM barlyq rásimderdi jetildirý, onyń ishinde bilim berý prosesiniń barlyq qatysýshylary úshin rásimderdi ótkizýdiń obektıvtiligi men ádildigin qamtamasyz etetin prosesterdi sıfrlandyrý boıynsha jumysty jalǵastyrýda. Bıyl UBT-ny 120 000-nan astam túlek jáne basqa da qatysýshylar arnaıy daıyndalǵan 51 pýnktte tapsyrady dep josparlanýda», dedi Sholpan Karınova.
Bıyl konkýrs 15 sáýirde bastalyp, 30 maýsymǵa deıin jalǵasady. Testileý alǵash ret elektrondyq formatta ótedi. Kompıýterlik UBT-ǵa ótinishti Ulttyq testileý ortalyǵynyń http://app.testcenter.kz/ saıty arqyly berýge bolady. Tirkeý onlaın rejımde júrgiziledi, eshqandaı qujat pen fotosýretter talap etilmeıdi. Abıtýrıent saıtqa kirip, kez kelgen testileý pýnktin, UBT tapsyrý kúni men ózine yńǵaıly ýaqytty tańdaıdy.