Elordanyń birqatar mektebine «Alash» qaıratkerleriniń esimderi berilmek. Bul týraly Májilis depýtattarynyń saýalyna Premer-Mınıstrdiń orynbasary Eraly Toǵjanovtyń jaýabynda aıtylǵan, dep habarlaıdy Egemen.kz.
Eraly Toǵjanov Alash qaıratkerleriniń esimderin máńgilik este saqtaý maqsatynda ótken jyly Nur-Sultan qalasynyń bilim berý uıymdaryna Ahmet Baıtursynulynyń, Álıhan Bókeıhannyń, Shákárimniń esimderi berilgenin aıtty.
«Qazirgi ýaqytta Táýelsizdigimizdiń 30 jyldyq mereıtoıy qarsańynda elordanyń birqatar bilim berý mekemesine Názir Tórequlovtyń, Mustafa Shoqaıdyń, Qoshke Kemeńgerulynyń, Qanysh Sátbaevtyń, Smaǵul Sádýaqasulynyń esimderin berý máselesi qarastyrylyp jatyr. Alash qaıratkerleriniń atymen budan basqa da 30-dan astam kóshe, 10-ǵa jýyq mektep atalady», dedi ol.
Sondaı-aq ol búgingi kúni Nur-Sultan qalasynda «Alash» qozǵalysynyń 30 shaqty tulǵasyna kóshe ataýlary berilgenin atap ótti.