Naqtyraq aıtsaq, oblysta 20 936 adam ekpe qabyldaǵan. Onyń 13 887-i medısına qyzmetkeri, 5407 – pedagog jáne 600-ge jýyǵy quqyq qorǵaý organdary men 500-ge jýyǵy ártúrli toptaǵy azamattar. Sáýir aıynda ekpe saldyrýǵa nıet bildirgenderdiń sany artqan, dep habarlaıdy Egemen.kz.
Oblystyq qoǵamdyq densaýlyq basqarmasynyń habarlaýynsha, ekpe qabyldaǵandar dárigerlerdiń baqylaýynda. Al ekinshi komponentpen 10 myńǵa jýyq azamat vaksına aldy.
Infeksııaǵa qarsy vaksınasııalaý jumystary 65 emdeý mekemesinde júrgizilýde. Sońǵy táýlikte Túrkistan oblysynda 13 adamda COVID-19 indeti anyqtalǵan. Iаǵnı táýliktik ósim – 0,28 %. Jalpy oblysta pandemııa beleń alaǵaly 600 myńǵa jýyq PTR- synamalary alynǵan. Sońǵy táýlikte zerthanalarda 3 myńdaı adam tekserilgen. Juqpaly aýrýlar aýrýhanasynda barlyǵy 610 oryn bar.