Shymkentte jastar arasynda buqaralyq sportty damytý maqsatynda bıyl alǵash ret qala ákiminiń kýbogi úshin sporttyq saıys uıymdastyrylyp jatyr, dep habarlaıdy Egemen.kz
«Shymkent jastar lıgasy» jobasy aıasynda mektep oqýshylary sporttyń tórt túrinen, ıaǵnı voleıbol, basketbol, fýtbol jáne shahmattan saıysqa túsedi. 80 mıllıon teńge qarjylaı syılyqty jarysqa qatysatyn 536 komanda arasynda sarapqa salynbaq.
Naýryz aıynda bastalǵan birinshilikke qatysýǵa jalpy sany 9 myńǵa jýyq oqýshy nıet bildirgen. Komadalardyń jumysyn úılestirý úshin 420 deneshynyqtyrý mamany jumyldyrylǵan. QR Táýelsizdiginiń 30 jyldyq merekesine oraı uıymdastyrylyp otyrǵan «Shymkent jastar lıgasy» Memleket basshysynyń buqaralyq sportty damytý tapsyrmasyna sáıkes júzege asyrylyp jatyr. Osylaısha mektep oqýshylaryn salaýatty ómir saltyna baýlı otyryp, QR chempıonattaryna komanda jasaqtaý kózdelip otyr.
I-kezeń jalpy bilim berý mekemeleriniń arasynda 1 naýryz ben 1 maýsym aralyǵynda «Fýtbol», «Voleıbol», «Basketbol» syndy sporttyń úsh túri boıynsha uıymdastyrylýda. Al shahmattan qyrkúıek-qarasha aılary aralyǵynda ótedi. Búginde «Basketbol» sporttyq oıynynda 58 komanda baq synasyp, tórt mektep, al, voleıboldan 64 komanda jarysyp, 4 komanda shırek fınalǵa joldama aldy. Fýtboldan «BIIK» jáne FS «Ordabasy» stadıonynda 21 komanda baq synasyp jatyr.