Bokstan jastar arasyndaǵy álem birinshiligi 10-14 sáýir aralyǵynda Polshanyń Kels qalasynda ótedi. Bul aqparat AIBA-nyń resmı saıtynda jarııalanyp otyr.
Tórtkúl dúnıeniń talantty jastarynyń basyn qosqan eń sońǵy jarys osydan úsh jyl buryn Býdapeshte ótken bolatyn. Majarstannyń astanasynda uldar saıysynda Nurbek Oralbaı (75 kılo) bas júldeni oljalasa, Ermahan Jakpekov (69 kılo), Saǵyndyq Toǵambaı (81 kılo), Aıbek Oralbaı (91 kılo) jáne Damır Toıbaı (+91 kılo) kúmis medaldi moıyndaryna ildi. Bir aıta keterligi, bul jigitterimizdiń barlyǵy da fınaldyq saıysta Reseı boksshylarymen kúsh synasty. Jartylaı fınalda súringen Mahmud Sabyrhan qola júldeni enshiledi.
Al qyzdar arasyndaǵy jarysta Dına Islambekova (+81 kılo) qarsylas shaq keltirmeı, altynnan alqa taǵyndy. Sheshýshi tusta utylǵan Aızada Eslıamǵalı (54 kılo) men Gýzal Sadyqova (81 kılo) kúmispen kúptelse, Ánel Qudaıbergen (48 kılo) men Jansaıa Abdraımova (51 kılo) qolaǵa qol sozdy.
Nátıjesinde 2 altyn, 6 kúmis jáne 3 qolany oljalaǵan Qazaqstannyń jastar quramasy jalpy komandalyq esepte úshinshi satyǵa jaıǵasty. Birinshi jáne ekinshi oryndardy Reseı (6+5+2) men AQSh-tyń (3+0+1) bylǵary qolǵap sheberleri ıelendi.